Reunion

尋晚同班中學同學0係耀榮酒樓聚舊。七個同學之中淨得三個認得。因為其他都係同級唔同班。雖然以前都有撞口撞面一齊玩。但係大大話話唔見左幾廿年真係唔認得就唔認得。真係死黨果班都0係哂香港。Terry接我果陣話我個樣最後生。都唔係咁值得開心唧,因為我真係細過佢地架。我十歲就讀中一喇。如果唔係年紀細有得加分都未必入倒「俾你慮死」（庇理羅士） 啦。果陣D同學個個都小學會考一至幾百名內。我都係得千幾。都幾自卑架！人地有D係醫生，有D係博士。好彩而家假假地都係銀行人事部經理，都無咁失禮。不過都係講0下0者！到而家咁既年紀又黎到加拿大，D同學都無以前咁炫耀喇。等收到張相再post 啦！