好失敗。竟然無人記得影D菜，可能太美味，太吸引喇，有原隻鮑魚（三十二頭）每人一隻。紅燒圓蹄兩隻，蒜蓉焗開邊龍蝦每人一隻，鹽焗雞，花膠響螺煲雞湯等等，多到都唔記得左。到洗碗先記得無影相，真可惜。D鮑魚仲係浸左三日，蚊左兩日，要再整都幾難。
skip to main |
skip to sidebar
觀自在菩薩行深般若波羅密多時......
My weight Loss Progress (Dr. Poon's Diet start Oct. 8, 2008)
7 comments:
做乜咁失敗，冇影到D咁正嘅餸呀！等我睇到都可以恨吓呀！嘩....你咁勁識整鮑魚，下次我嚟加拿大你一定要整番一餐畀我食喎！hehe........
你肯咁遠搭飛機黎一定整俾你食。仲加埋魚翅添。
我諗一定有機會嘅！多謝先！係喇，你屋企咁專業有張賭枱添，真係厲害呀！你嗰晚係唔係大殺四方呀？哈哈.....
咁就出年傑仔結婚過黎啦！
傑仔係唔係已經決定咗出年結婚呀？係幾月呀？過嚟飲佢嗰餐好重皮喎，有冇贊助先？哈哈.....佢會唔會喺香港擺酒o架？
應該係出年喇。日子未定。GRACE 本來想十二月。但係我話冬天加拿大天氣唔穩定。遇著雪暴就LE HE 喇。D 人黎飲都唔安樂。擒擒青趕住走。天氣凍又唔可以出外影靚相。睇下佢地點決定啦。傑仔話香港就唔會攪。就咁親戚坐埋食餐飯算喇。仲有，咁橋GRACE 媽咪又係庇理羅士，低我兩屆既師妹黎既。不過細我一年。佢好客氣。第一次見面飲茶就送冬菰，花旗參，茶葉俾我，好似過大禮咁。真唔好意思。
傑仔同Grace拍咗咁耐拖，你哋至第一次見佢父母咋，真係估唔到喎！仲以為你哋雙方家長識咗好耐添！
Post a Comment